ملفوظات حکیم الامت جلد 6 - یونیکوڈ |
 |
مذموم ہے - افراط و تفریط سے بچنا یہی اعتدال ہے - ( ملفوظ 144 ) کالج اور فالج ایک سلسلہ گفتگو میں فرمایا کہ اس تعلیم انگریزی کی بدولت الحاد اور نیچریت کا غلبہ زیادہ ہوگیا ہے یہ کالج کیا ہیں فالج ہیں دین کے جس کو بالکل تباہ اور برباد کردیتے ہیں ان کئ تعلیم یافتہ اکثر بد دین ملحد ہوتے ہیں دماغوں میں خناس بھر جاتا ہے - ( ملفوظ 145 ) اولین فکر اپنی اصلاح کی ہونی چاہئے ایک سلسلہ گفتگو میں فرمایا کہ انسان کو اول اپنی فکر چاہئے دوسروں کی فکر میں تو جب بڑے جب اپنے متعلق یہ اطمینان ہوجائے کہ میرے ساتھ صیحح معاملہ ہوگا اور یہ ساری عمر نہیں معلوم ہوسکتا پھر اپنے سے بے فکری کیسی بعض لوگوں کا یہی مشغلہ ہے کہ ہر وقت دوسروں کی فکر میں رہتے ہیں کسی نے خوب کہا ہے تجھ کو پرائی کیا پڑی اپنی نبیڑ تو - ( ملفوظ 146 ) غلطی کا منشاء بے فکری ہے ایک نو دارد شخص آئے اور بعد مصافحہ حضرت والا سے بیعت کی درخواست کی حضرت والا نے فرمایا کہ تم ایسی جگہ بیٹھے ہو کی جس سے معلوم ہوتا ہے کہ تم کو بیٹھنے کا بھی سیلقہ نہیں بیعت تو دور چیز ہے - ابھی تو تمیز سیکھنے کی ضرورت ہے اس پر وہ شخص اس جگہ سے ہٹ کر ایک اور صاحب کی طرف پشت کر کے بیٹھ گئے حضرت والا نے فرمایا کہ تم میں ایسی کونسی چیز یے کہ جس کی وجہ سے دوسرے مسلمانوں کو حقیر اور ذلیل سمجھتے ہو جس سے ایک مسلمان کی طرف پشت کر کے بیٹھے عرض کیا غلطی ہوئی فرمایا کہ غلطی کا منشا کیا تھا اس کا جواب دو آخر کیا سمجھ کر پشت کی جبکہ اور جگہ بھی موجود ہے عرض کیا کہ مجھ کو خبر نہ تھی یعنی یہ کہ میری پشت کی طرف کوئی آدمی ہے ) فرمایا تو کیا کوئی سوئی