عزیز و اقارب کے حقوق |
ہم نوٹ : |
رونے ہی سے بنتا ہے۔ بابا آدم علیہ السلام کا کام رونے ہی سے بنا۔ اسی طرح ہم لوگوں کا کام بھی رونے ہی سے بنے گا۔ رونے سے پچھلے گناہوں کی معافی بھی ہوجائے گی اور اگلے گناہوں سے بچنے کی توفیق بھی ہوجائے گی۔ اگر صحیح معنوں میں رونا نہ آتا ہو تو رونے والوں کی شکل بنالو، یہ بھی حدیث سے ثابت ہے۔ سرورِ عالم صلی اللہ علیہ وسلم نے فرمایا:رونا نہ آئے تو رونے والوں کی شکل بنالو۔22؎ اللہ تعالیٰ کا فضل اس پر بھی ہوجائے گا۔تو میں عرض کررہا تھا کہ سعید بن المسیّب کے شاگرد بھی تابعی تھے۔ ایک تابعی دوسرے تابعی کا استاد بنا ہوا ہے۔ اس میں کیا اشکال ہے جبکہ بعض صحابی دوسرے صحابہ کے استادبنے ۔ حضرت اُبی بن کعب رضی اللہ عنہ قرأت میں حضرت عمر بن الخطاب رضی اللہ عنہ کے استاد ہیں۔ تابعی اس کو کہتے ہیں جس نے صحابہ کو دیکھا ہو۔ حضرت مکحول تابعی تھےجو شام کے سب سے بڑے مُفتی تھے۔ اتنے جلیل القدر مفتی کے استاد سعیدا بن المسیب بھی بڑے جلیل القدر تابعی تھے، جن کو حضرت ابوہریرہ رضی اللہ عنہ کی روایت کردہ احادیث سب سے زیادہ یاد تھیں۔ مفتیٔ شام حضرت مکحول رحمۃاللہ علیہ فرماتے ہیں طُفْتُ الْاَرْضَ کُلَّہَا فِی طَلَبِ الْعِلْمِ میں نے علمِ دین کی طلب میں زمین کی بہت سیر کی فَمَا لَقِیْتُ أَعْلَمَ مِنْ سَعِیْدِ بْنِ الْمُسَیَّب میں نے سعید بن المسیّب سے بڑھ کر کسی عالم کو نہیں پایا۔ اسماء اعظم مَلِیْکٌ اور مُقْتَدِرٌ کے معانی ایک آیت کی تشریح میں علامہ سید آلوسی بغدادی رحمۃاللہ علیہ نے حضرت سعید بن المسیب کا ایک واقعہ لکھا ہے۔ اللہ تعالیٰ ارشاد فرماتے ہیں کہ اِنَّ الۡمُتَّقِیۡنَ فِیۡ جَنّٰتٍ وَّ نَہَرٍ فِیۡ مَقۡعَدِ صِدۡقٍ عِنۡدَ مَلِیۡکٍ مُّقۡتَدِرٍ 23؎اللہ پاک کے دو نام ہیں مَلِیْک اور مُقْتَدِر ۔ مَلِیْک کے معنیٰ کیا ہیں؟ مَلِک اور مَلِیْک میں کیا فرق ہے ؟جبکہ دونوں اللہ تعالیٰ کے نام ہیں۔ مَلِکْ کےمعنیٰ ہیں صاحبِ مملکت اور _____________________________________________ 22؎سنن ابن ماجۃ:446(4196)،باب الحزن والبکاء،المکتبۃ الرحمانیۃ 23؎القمر:55-54