ملفوظات حکیم الامت جلد 15 - یونیکوڈ |
کاندھلوی کے اوپر اور کچھ مولانا جمیل احمد صاحب تھانوی کے اور کچھ کا حضرت مولانا مفتی محمد شفیع صاحب کے حوالہ فرمایا اسی طرح کچھ حصہ حضرت مولانا خیر محمد صاحب جالندھری کے سپرد فرمایا کہ آپ لکھیں ـ حضرت مولانا جالندھری نے کسر نفسی سے عرض کیا کہ مجھ کو عربی میں لکھنا نہیں آتا - قول جامی ملفوظ 160 ـ اس پر حضرت والا نے فرمایا کہ آپ کو جتنی عربی آتی ہے اسی میں لکھ دیں کہ کسی مصنف نے کب یہ سمجھ کر لکھا ہے کہ میں بڑا عالم ہوں مجھ کو تو جامی کا قول پسند ہے ـ بیا جامی رہا کن شرمساری زصاف و درد پیش آر آنچہ داری مقدم احکام القرآن ملفوظ 161 ـ فرمایا اگر یہ بات ہوتی ، دنیا میں ایک کتاب نہ ہوتی ـ آپ اپنی عربی میں لکھ دیجئے ـ اس پر مولانا جالندھری نے احکام القرآن کے شروع میں مقدمہ کی ضرورت ظاہر کی کہ میں صرف یہ لکھوں گا فیوض الحرمین کا خلاصہ ملفوظ 162 ـ فرمایا کہ فیوص الحرمین میں حضرت شاہ ولی اللہ صاحبؒ نے لکھا ہے جس کا خلاصہ یہ ہے کہ سنت کے ساتھ اوفق مذہب امام ابوحنیفہ کا ہے یہ مجھ کو حضورؐ نے فرمایا ـ واقعہ اللہ بخش جن ملفوظ 163 ـ ایک واقعہ کے ضمن میں حضرت نے اللہ بخش جن کا تذکرہ فرمایا کہ کسی شخص پر اس کا اثر ہوا وہ حضرت حاجی صاحب قدس سرہ کو بلا کر لے گیا کہ دعا پڑھ دیں ـ اللہ بخش حضرت کو دیکھتے ہی علیحدہ ہو گیا اور کہا کہ آپ نے کیوں تکلیف فرمائی آئندہ کسی پر میرا اثر کہیں ہو جائے تو آپ اپنا نام لکھ کر بھیج دیں اب آئندہ آپ کے سلسلہ میں جو بھی ہو گا کسی پر میرا اثر نہ ہو گا ـ حضرت جنید بغدادی کی سب سے بڑی زندگی ملفوظ 164 ـ فرمایا ایک شخص حضرت جنید بغدادی کے پاس دس سال رہے ـ آخر جاتے