Deobandi Books

مقالات حکمت ( جلد دوم ) ---------------------------------------------------------------- 28 
کے نزدیک طاہر ہیں لیکن امام محمد کے نزدیک مطلقا طاہر نہیں اور اختلافی مسائل سے حتی الوسع بچنا اولی ہے ، خاص کر جب کہ اکثر کا فتوی بھی امام محمد رحمۃ اللہ علیہ کے قول پر ہے ۔
( 7 ) تعلیم و تدریس مشقت کا کام ہے :
طالب علموں کے لئے فرمایا کہ اللہ اللہ کرنا تو بہت آسان ہے کیونکہ اس میں لذت بھی ہوتی ہے اور جاہ عندالناس بھی اور کوئی مشقت بھی نہیں ہوتی ، لیکن تعلیم اور تدریس سخت مشکل کام ہے ۔ کیونکہ اس میں تعب عظیم ہوتا ہے ، اولا تحصیل میں ، ثانیا مطالعہ میں ، ثالثا القاء و املاء بر طلبہ میں اس میں مشغول ہونا اہل علم کا اصل کام ہے ۔ 
( 8 ) مسئلہ معتمد علیہ جگہ سے دریافت کرے :
ایک صاحب نے ایک مسئلہ مولانا سے دریافت کیا اور اس کے ذیل میں یہ بھی کہنے لگے کہ فلاں مولوی صاحب نے اس مسئلے کو اس طرح بیان کیا تھا ۔ مولانا نے فرمایا کہ جب تم نے ایک جگہ اس مسئلے کو دریافت کر لیا ہے تو پھر دوبارہ کیوں دریافت کرتے ہو اور اگر تم کو ان مولوی صاحب پر اعتقاد نہیں تو پھر میرے سامنے ان کا نام لینے سے کیا فائدہ اور فرمایا کہ یہ حرکت سخت بیہودگی ہے ۔
( 9 ) لوگوں کو اپنے شر سے بچانے کے لئے خلوت اختیار کرے :
فرمایا کہ فقراء جو خلوت اختیار کرتے ہیں تو بعض محققین نے یہ فرمایا ہے کہ اس میں یہ نیت ہونی چاہئے کہ لوگ ہمارے شر سے محفوظ رہیں جس طرح سے کہ مارو کژدم کا لوگوں سے جدا رہنا اسی مصلحت سے مناسب ہے اور یہ نیت نہ ہونی چاہئے کہ ہم دوسروں کے شر سے محفوظ رہیں گے ، کیونکہ اس نیت سے لازم آتا ہے کہ دوسروں کو اپنے سے بدتر جانیں اور یہ تکبر ہے جو فقیری سے بفراسخ بعید